Esta espectacular igrexa barroca de finais do século XVII e comezos do XVIII atesoura un extraordinario conxunto de retablos e esculturas de artistas de gran calidade como Pedro de Mena ou Gregorio Fernández entre outros.

Edificada entre 1696 e 1714, esta igrexa xesuíta de estilo barroco segue as pautas estilísticas triunfantes en Roma nese momento. No seu interior atesoura un extraordinario conxunto de retablos e esculturas das escolas de Pedro de Mena e de Gregorio Fernández. Cabe destacar a imaxe da Virxe da Ou, así como a da Madalena. O edificio contiguo, coñecido como Edificio Sarmiento, era a sede do Colexio da Compañía de Xesús até a súa expulsión no 1767; na actualidade pertence ao Museo de Pontevedra. Son notables nel o claustro e, sobre todo, a grandiosa escaleira de 1722.