Dúas décadas despois do seu debut como batería e vocalista de Animal Collective, Noah Lennox viviu tantas vidas creativas, navegou por tantos estilos diferentes e formou parte de tantas gravacións queridas que pode ser fácil pasar por alto a consistencia da súa visión creativa. Desde álbums en solitario que marcaron un fito -Person Pitch (2007), Panda Bear Meets the Grim Reaper (2015)- até traballos con Animal Collective -Sung Tongs (2004) e Merriweather Post Pavilion (2009)-, pasando polas súas colaboracións con Daft Punk, Solange, Dean Blunt e Paramore, todos os seus traballos seguiron un fío emocional reconocible ao instante, influíndo en varias xeracións de artistas.

En Sinister Grift (2024), o primeiro álbum en solitario de Lennox en cinco anos, froito da colaboración co seu compañeiro de Animal Collective Josh «Deakin» Dibb, Lennox transforma a Panda Bear en algo parecido a unha banda de rock da vella escola, tocando el mesmo case todos os instrumentos e convidando a participar no proceso a Cindy Le, Rivka Ravede e, por primeira vez nun álbum en solitario de Panda Bear, a cada un dos seus compañeiros de Animal Collective.