Do 19 de xaneiro ó 6 de abril, o Forum Arte Braga acolle a exposición «Coa casa ó lombo» da artista Carla Filipe, comisariada por Joana Valsassina.

Organizada conxuntamente por InvestBraga e a Fundación Serralves, esta exposición reflicte o carácter nómade da actividade artística de Carla Filipe, reunindo unha selección de obras da Colección Serralves e da propia colección da artista.

O vagabundeo, a migración, a evasión e a subsistencia son algúns dos temas abordados nesta exposición, que poderá visitarse até o mes de abril, dentro do espectro do universo ferroviario e da noción de viaxe en sentido amplo; transformando a galería nun lugar en constante movemento, aberto a novas interpretacións e reivindicacións, e onde a historia nunca é simple, única nin lineal.

Con entrada gratuíta, a exposición pode visitarse de luns a venres, de 9.00 a 18.00 horas; sábados e domingos, cando hai espectáculos.