Celébranse entre os días 14 e 25 de Agosto en honra ó patrón da cidade, San Roque. Están declaradas de Interese Turístico Nacional e tamén de interese cultural debido ó variado programa de actividades que se desenvolven anualmente e ó gran contido tanto relixioso como tradicional que encerran os festexos. A afluencia de visitantes é alta sobre todo nos días de actos tradicionais como o lanzamento do globo e os caneiros.

O globo lánzase á medianoite do 16 de agosto. Os caneiros celébranse os días 18 e 25 de agosto e consisten nunha xira fluvial polo río Mandeo que vai cheo de barcas engalanadas que transportan ós romeus río arriba para gozar no campo dunha festa que dura todo o día.