Coliving Artístico Municipal de Lugo: Innovación e Creatividade no Barrio do Carmen

No corazón do Barrio do Carmen, o Coliving Artístico Municipal de Lugo (CAM Lugo) ofrece un lugar único onde artistas de todo o mundo poden convivir e desenvolver os seus proxectos creativos. Este espazo, inaugurado en 2024, combina aloxamento e zonas de traballo nun edificio rehabilitado que conserva o encanto da arquitectura tradicional, adaptándoo ás necesidades dos creadores contemporáneos.

Sitúase ao pé do Camiño Primitivo, tras a rehabilitación por parte do Concello do que fora a vivenda do pintor e escultor Gómez Pacios e conta con dúas edificacións de residencia e obradoiro e unha ampla infraestrutura verde de 3.000 m2.

O coliving está aberto a artistas de diversas disciplinas, como pintura, escultura, música ou deseño. Ademais de dispoñer dun lugar para traballar e vivir, os participantes colaborarán en actividades e obradoiros dirixidos á comunidade local, contribuíndo a revitalizar culturalmente o Barrio do Carmen. O espazo busca tamén fomentar a conexión entre os creadores e a cidadanía lucense, xerando unha dinámica de intercambio enriquecedora para todos.

Este novo proxecto municipal converteuse nun punto de interese para os visitantes, que poden gozar de exposicións temporais e actividades abertas ao público. O Coliving Artístico é unha mostra do compromiso de Lugo coa cultura e co apoio aos novos talentos.