Os Viños é a zona gastronómica por excelencia da cidade de Ourense. Conformada polas ruelas empedradas en torno á catedral, exténdese desde a Praza do Ferro ata a Praza Maior. Aquí se concentra un gran número de bares, restaurantes e tabernas nos que se pode desfrutar da gastronomía e a tradición vinícola de Ourense. O máis habitual é alternar entre os diferentes establecementos saboreando as especialidades de cada local. Pinchos e racións tradicionais conviven con propostas máis innovadoras, menús do día con suxestións á carta, sinxelos establecementos con restaurantes con estrela Michelin… Hai opcións para todos os gustos.