Montealegre é o bonito nome que recibe o gran parque forestal de Ourense, un monte sempre bañado polo sol que pecha á cidade polo leste e que se asoma ao val vendo sucar e unirse os tres ríos. Xunto aos outeiros de fume que se erguen cara ao ceo nos Magostos, quizais a súa imaxe máis característica sexa a dos seus piñeiros mansos: trátase do bosque mediterráneo situado máis ao noroeste de toda Europa.

Talvez o mellor nexo de unión do parque coa cidade sexa o seu miradoiro, xunto á cruz de Montealegre, desde onde podemos divisar todo o val e a evolución urbana nunha das panorámicas máis belas da cidade. Xunto ao miradoiro, un banco estratexicamente colocado e que acabou por recibir o título do «máis bonito de Ourense».