Inaugurada o 30 de xuño de 1878, no auxe da arquitectura de ferro, baixo o risco e os cálculos da prestixiosa Casa Eiffel, a ponte metálica sobre o río Lima non só permitiu o tráfico ferroviario, senón que substituíu á antiga ponte de madeira que conectaba a praza de  São Bento en Viana coa marxe esquerda do río Lima (Darque).

Con cincocentos sesenta e tres metros de longo e seis de ancho, foron necesarios máis de 2.000.000 de quilos de ferro para levantar as cubertas que descansan sobre nove piares de pedra granítica, cuxa cimentación alcanza os 22 metros.