Este edificio de estilo ecléctico está situado na céntrica rúa Rego de Auga e ten case dous séculos de historia, xa que foi inaugurado en 1841, co nome de Teatro Novo ou Principal, aínda que en 1867 sufriu un grande incendio que fixo que tivese que reconstruírse en 1868.

Dende 1909 recibe o seu nome actual de Teatro Rosalía de Castro e nel realizáronse importantes actos ligados á historia de Galicia durante o século XX.

Dispón de capacidade para máis de 600 persoas e nel pódense realizar diversos espectáculos artísticos de música, danza ou teatro.

O Teatro Rosalía de Castro e Picasso

Picasso acudiu a representacións teatrais de obras de Echegaray no hoxe chamado Teatro Rosalía de Castro, naquel momento Teatro Principal.