Con orixes no século XV, a feira de santos de Monterroso está considerada unha das máis importantes de Galicia dentro da súa temática. No marco desta xornada destaca o gran mercado ambulante onde se poden adquirir diferentes produtos entre os que cabe mencionar os propios da gastronomía da zona: castañas, queixo e produtos da matanza, á vez que se pode saborear o polbo nas casetas.